— Эсĕ Уйăха пуçланă чух Турра ан асăн, — тесе каларĕ, тет.
Вара кăмака çамки çине вир акрĕç, тет те, виççĕн виç пучушши çине утланса Уйăх патне хăпарса карĕç, тет. Карчăккипе хĕрĕ иккĕшĕ те Турра асăнмасăрах Уйăха пуçласа çирĕç, тет.
Кĕрӳшĕ:
— Турă, çырлах, Турă, пулăш, — тесе çиме пуçларĕ, тет. Хунямăшĕ кĕрӳшне:
— Апла ан кала, Турă илтет, — тесе каларĕ, тет.
Турă илтсе пычĕ тет те карчăккипе хĕрне шалча çине, кĕрӳшне улăм ури çине лартрĕ, тет.
Чăваш Енри Çĕрпӳ районĕнчи Патăрьелте Г.Иванов çырса илнĕ. Ашмарин, ЧСК, III, 186 с. пичетленнĕ. — ЧПГĂИ ĂА, I, 29, 355 с.
Ытти уйăхпа хĕвел çинчен каланă халапсене пăхма пултаратăр.